محاورة بين الشاعرين راشد السحيمي وعبدالله الميزاني (سلام الله سلام ن نبتدي به والعلوم

[فهد محمد بن ناحل]

( راشد السحيمي )

سلام الله سلام ن نبتدي به والعلوم طوال = مادام إن البحور الطاميه رسّت بواخرها
لياشفنا البنوك اللي عليها القفل والزرفال = نبا ندخل لها تفتح لنا والا نكسّـــــــرها


(عبدالله الميزاني)


هلا يامرحبا ترحيب شعبي واللحن موال = ليا شفنا الحروب صغار يالله لا تكبرها
أناماني بفاضي لجل أمشّ الحال ماش الحال = تراني مستعد أنفخ حريبـــله وأطيرها





( راشد السحيمي )

الصوت غير واضح ؟؟؟؟؟؟ = تطولــها نطــولها تقــصرها نقصرها

أنا جاهل معا الجهال أناعاقل معا العقال = لكن ربعك مطير اللي حوالينك مقدرها





(عبدالله الميزاني)

أنا بحلف عليك إنك من المولى عليك ظلال = هذا الليله مهو قول الحلوق ولاحناجرها
أنا مدري متى أسوقك على الكبوت ياتمثال = وأنا بصبر وخلق الله ماندري وش يصبرها







( راشد السحيمي )

أنا ليه عليك حقوق ياطيب ويا بطال = لكن الناس في نسج السوالف لا تخدرها

أبا أحطك على الصدام وابا سوي عليك أهوال = والا ياذيب قدامك ذيابه منت شاعرها





(عبدالله الميزاني))



ترا هذا الزمن مايعرف الرجلي من الخيال = وحرب أصحابنا راحت ووجهتها تنكرها

[فهد محمد بن ناحل]

غير عبدالله الميزاني ورد لراشد السحيمي "





(عبدالله غازي الميزاني)


السحيمي ليا جاء فالكلام الكلام = جمرت ن ماينام الليل غليونها

أقضبوها صقور وطيروها حمام = حسبي الله على ناس ن يسوونها






راشد:



جيت أبا أحصي عيال آدم عليه السلام = وأنا مالي بصاحيها ومجنونها

مايعرف الطيور إلا الرجال الكرام =ليش ترسل لها اللي مايعرفونها







(عبدالله غازي الميزاني)


مادريت إني أول من قتله الغرام =ياهل الضلع شلتوها تحطونها

وأنت ماتنـــتقم والله شديدإنتقام = حولت من وراها وأصبحت دونها






راشد :



مادريت الولد مغرم بها ياحرام = يمسح اخدودها ويموت فعيونها

أنت لك صاحبه تغمض لها فالظلام = لا تحبونها حتى تشوفونها


(عبدالله غازي الميزاني)

ويش اباقول والدنيا عليها السلام = حرب والنايمه دايم يصحونها

وامس يومين والليله لها أشهر وعام = والسحيمي هذا لونه على لونها

(راشد السحيمي )

ابشروا يامطير بصاحب ن ماينام = مانعاهد رجال مطير وانخونها

أنت شخصيتك يا ألخ فيها أنفصام = صح قوم الطبيعه مايخلونها



(عبدالله غازي الميزاني)

ياهذا ويش دور الأعمده والخيام = ليش أفتش قدور الناس وصحونها

كيف ألومك كبنك ماعليك الملام = كيف نامن حريبــــله يخلــــونها







(راشد السحيمي )



لا تقتــش حزامي وأنت مالــك حزام = تاكلون القدور ولا تحمدونها

صاحبك لا عطاك الما عطاك الطعام = وأنتوا اللي يديكوا ماتغسلونها







(عبدالله غازي الميزاني)

واضح الفرق ياحمر النعم والنعام = ليه تومي يداكم ثم توزونها

وأنت مادري شرارة نار وألا لحام = تنثرون الدموع ولا تكبونها





(راشد السحيمي )

أنت مافيك عيب إلا الجرب والهيام = والعرب من صبلة الصبح يطلونها

ليش ما جات لك قيمه وجالك مقام = غير عين ن نحك الكحل فعيونها


(عبدالله غازي الميزاني)



هكـــذا حرب فيــما قيل خم ن وخام = وأن تحلوا طويلة راس يبغونها

أنت حربي منظم وأخترقت النظام = بس أمانه دخيلك لا تقولونها

(راشد السحيمي )

أنت ماتستحي جاهل علي الحرام = لا تجون الحدود ولا تعدونها

جعل جد ن معقبها لكم للرحام = الجميله مثل ماهي تردونها