قالوا (كرونا) قوي باسه......... محاورة

[جميل النوايا]

ناصربن مصلح=
سلام من طيب أنفاسه=طابت بها نفس مرسلها
للشاعر اللي بإحساسه=أحلا المعاني يترجمهـا
الطواف=
ترحيب باللي سَعَد ناسه=وافرح حضوره خواطرها
دايم على الطيب نبراسه=هاذي حقيقه ماننكرهـا
ناصربن مصلح=
ياصقر معروف قرناسـه=معزّتـك أنـت خابرهـا
في داخل الروح هوجاسه=من عبر الابيات بكتبهـا
الطواف=
ياكاسب الطيب من ساسه = ومن ربع زينه مخابرها
توْ المثل ما صفي كاسه = ابدي معانيك وانشرها
ناصربن مصلح=
ياصاحب الناس محتاسه=خوف وقلق صار حاضرها
قالوا (كرونا) قوي باسه=وامراض كثرت مخاطرها
الطواف=
هذا ( بلى ) دقت اجراسه = فأيام كثرت مناكرها
والمرء لايزيد وسواسه = الإستقامه يدرّكها
ناصربن مصلح=
قالوا بلا فكر ودراسه=النوق هي من سبايبها
عزالله ضاعت بنا الطاسه=دام اليماني مصدّقها
الطواف=
هاذي دراسات وفْراسه = والمختبر زاد قررها
كلاً يحسس على راسه = من عنده نياق يحجرها
ناصربن مصلح=
المختبر الخطأ داسه = وفيه الاشاعات نظّمها
لو جاز له يوم مجلاسه = في أرضها كان لازمها
الطواف=
انته رجل حلم وكْياسه = والمايله ماتسايرها
مادام الاخطار حواسه = كلاتنا لزوم نحذرها
ومادامها البل دساسه = للداء لابد نحصرها
قرار صادر من الساسه = واجب ننفذ اوامرها

[فهد محمد بن ناحل]

صح لسانك يابو مشاري وصح لسان الطواف

[عبدالرحمن الناحل]

صح لسانك ،أبو مشاري وصح لسان الطواف وإن كنت في نظري المتواضع أميل لرأي أبو مشاري نظرا لوجود رأي طبي قوي لبراءة الإبل من فيروس كورونا ونسأل الله أن يرفع البلاء ويشف المرضى ويحفظ جميع المسلمين من الآلام والأسقام ولا يري مسلم مكروه