ياحرب سبع اسنين بالسجن محتار ( سجين الحفر موجها قصيدة جديدة من السجن )

[فهد محمد بن ناحل]

http://www.youtube.com/watch?v=1q5_a7AzsMI



من وادي الباطن على خط جده = حاجز تذاكر طايره دون طيار
تحمل كراسيها مواضيع عده = للذاير اللي ياخذالحق والثار
العوفي اللي بالمواقيف أعده =أول رجل ياقف معي سر وجهار
وقفة وفا من طيب ساسه وجده = اللي طرق طاروق وضعي على الطار
وموج البحر يصفق بجزره ومده = وبخافي أعماقه مدارات:واسرار
إقروا كتاب الفهد في خط يده= تلقون بسطوره قفل باب وجدار
والسالفه ماهي على ربع مده = ياحرب سبع سنين بالسجن محتار
والسجن نجس وذل ملعون جده =وأنا فزعت وطحت في حامي النار
وحرب العريقه لابغت شي قده=ماهمهم وش كم مليار بليار
ومن عهد نوح وراكبين الأشده =لا ركبو إظهور الاصايل والأمهار
من منفذ الأردن إلى بحر جده =شنو عليهم حرب وإحتلو الدار
واليوم: لوينوون بشار حده = ساعة زمن ينهون لك راس بشار
وإن كان حرب اليوم لي مستعده=باكر/وانا ياحرب من ضمن الأحرار
كم واحدن مولود بعدي إبمده=وانا سجين وصاروا:إرجال وكبار
والهرج واللي تستحي منه بده=لي حول سبع إسنين ماجتني اخبار
وبلغ سلامي ياأبوطاهر ووده=وأنا أنتظر منهم يجيني خبرسار:


قصيده السجين فهد حمود الحربي

[ذاير السحيمي]

صح لسانك يابو حمود وربعك معك إن شاءالله وابشر ان كل الامور طيبه
ودام وراها شغاميم العيال ابو خالد وابو مشعل إن شاء الله غير تنحل يابو حمود
والصبر زين وفيه مقضات ثنتين تكسب جميل وتاخذ الحق وافي
وقبيلة حرب ابشر هم هل الفزعه مع القريب والبعيد وبدون قصور في كل
المسلمين

[كعام العايل]

الله يفك اسره باسرع وقت وانشاء الله ماهم مقصرين ولاهم ذاخرين شي

[فهد محمد بن ناحل]

الف شكر على التفاعل والفرج قريب ومطلوب من الجميع التفاعل من اجل الموضوع